എൻ.സി.ഇ.ആർ. ടി പാഠപുസ്തകങ്ങളിലെ മാറ്റത്തിനെതിരെ കെ.എസ്.യു സംസ്ഥാന കമ്മിറ്റി എജിസ് ഓഫീസിലേക്ക് നടത്തിയ മാർച്ചിൽ സംഘർഷം

തിരുവനന്തപുരം : എൻ.സി.ഇ.ആർ. ടി പാഠപുസ്തകങ്ങളിലെ മാറ്റത്തിനെതിരെ കെ.എസ്.യു സംസ്ഥാന കമ്മിറ്റി എജിസ് ഓഫീസിലേക്ക് നടത്തിയ മാർച്ചിൽ സംഘർഷം . പോലീസിനു നേരെ പ്രവർത്തകർ കല്ലെറിഞ്ഞതോടെയാണ് സംഘർഷമുണ്ടായത്. ഇതേത്തുടർന്ന് പോലീസ് പ്രവർത്തകരെ പിരിച്ചുവിടാൻ ജലപീരങ്കിയും കണ്ണീർവാതകം പ്രയോഗിച്ചു. നിരവധി കെ.എസ്.യു പ്രവർത്തകർക്ക് പരിക്കേറ്റു. ഇതിനിടെ ദേഹാസ്വാസ്ഥ്യം അനുഭവപ്പെട്ട ഒരു പ്രവർത്തകനെ ആശുപത്രിയിലേക്ക് മാറ്റി. തുടർന്ന് പ്രവർത്തകർ മുദ്രാവാക്യങ്ങളുമായി എം.ജി റോഡ് മുന്നിലെ റോഡ് ഉപരോധിച്ചു . ഇതോടെ പ്രവർത്തകരെ പോലീസ് അറസ്റ്റ് ചെയ്ത് നീക്കി . അതിനിടെ കെ.എസ്.യു പ്രവർത്തകരെ അറസ്റ്റ് ചെയ്തു നീക്കുന്നിടെയിൽകന്റോൺമെന്റ് സി.ഐയ്ക്ക് നേരെയും തിരിഞ്ഞു സി.ഐയ്ക്ക് കയ്യിൽ പരിക്കേറ്റു. പോലീസ് വാനിലെ ഗ്ലാസും പ്രവർത്തകർക്ക് അടിച്ചു തകർത്തിട്ടുണ്ട്.അതേസമയം പാഠപുസ്തകങ്ങളിലെ മാറ്റം എൻസിആർടിയുടെ ലക്ഷ്യം ചരിത്രത്തെ വളച്ചൊടിച്ചു കാവിവത്കരണം നടത്താനാണ് കേന്ദ്ര സർക്കാർ ശ്രമിക്കുന്നതെന്നും കെ.എസ്.യു പ്രവർത്തകർ പറഞ്ഞു. പാഠപുസ്തകത്തിലെ ആർ.എസ്.എസ് നിരോധനം, ഗാന്ധി വധം , മുഗൾ ചരിത്രം , ജനാധിപത്യം , ബഹുസ്വര തുടങ്ങിയ ഒട്ടനവധി സുപ്രധാന പാഠഭാഗങ്ങ ൾ പുസ്തകങ്ങളിൽ നീക്കുന്നതുലൂടെ എൻ.സി ആർ . ടി ലക്ഷ്യം വെക്കുന്നത് ആർ.എസ്.എസ് സംഘപരിവാർ ശക്തികളുടെ വെള്ളപൂശലും, രാജ്യത്തിനായി പൊരുതിയ മൗലാന അബ്ദുൽ കലാം ആസാദ് അടക്കമുള്ള നേക്കാക്കളുടെ പേരുകൾ ചരിത്രത്തിൽ നിന്ന് മായിച്ചു കളയാനാണ് ബി.ജെ.പി സർക്കാർ ശ്രമിക്കുന്നതെന്നും കെ.എസ്.യു പ്രവർത്തകർ അറിയിച്ചു.