കേന്ദ്ര ഗതാഗത മന്ത്രാലയവുമായി ചേർന്ന് റോഡ് സുരക്ഷാ പദ്ധതിക്ക് തുടക്കം കുറിച്ച് റാപ്പിഡോ

കൊച്ചി, 09-06-2026: ഓൺലൈൻ ടാക്സി സേവന ദാതാക്കളായ റാപ്പിഡോ കേന്ദ്ര റോഡ് ഗതാഗത & ഹൈവേ മന്ത്രാലയത്തിന്റെ റോഡ് സുരക്ഷാ പദ്ധതിയായ രഹ്‌വീറുമായി സഹകരണം പ്രഖ്യാപിച്ചു. റോഡപകടത്തിൽപ്പെട്ടവർക്ക് ആദ്യ മണിക്കൂറിൽ തന്നെ സഹായം ലഭ്യമാക്കുക എന്നതിനെ പ്രോത്സാഹിപ്പിക്കുകയെന്ന ലക്ഷ്യത്തോടെയുള്ള സംരംഭമാണ് രഹ്‌വീർ.

ഈ സംരംഭത്തിനായി, രഹ്‌വീറിനെക്കുറിച്ച് അവബോധം വർദ്ധിപ്പിക്കുന്നതിന് റാപ്പിഡോയുടെ സാങ്കേതിക പ്ലാറ്റ്‌ഫോമും 400ലധികം നഗരങ്ങളിലെ സാന്നിധ്യവും മൊബിലിറ്റി ക്യാപ്റ്റൻ കമ്മ്യൂണിറ്റിയും പ്രയോജനപ്പെടുത്തും. ഇതിന്റെ ഭാഗമായി,രാജ്യത്തുടനീളമുള്ള നാല് ലക്ഷത്തിലധികം റാപ്പിഡോ ക്യാപ്റ്റൻമാർ റാപ്പിഡോ പ്ലാറ്റ്‌ഫോമിലൂടെ ഒരുമിച്ച് രഹ്‌വീർ പ്രതിജ്ഞയെടുത്ത് ഗിന്നസ് വേൾഡ് റെക്കോർഡും സൃഷ്ടിച്ചു. കേന്ദ്ര റോഡ് ഗതാഗത, ഹൈവേ മന്ത്രി നിതിൻ ഗഡ്കരി, റാപ്പിഡോ സഹസ്ഥാപകൻ അരവിന്ദ് സങ്ക എന്നിവരുടെ സാന്നിധ്യത്തിലാണ് സഹകരണം പ്രഖ്യാപിച്ചത്.