തിരുവനന്തപുരത്ത് സംഘർഷത്തില് പതിനേഴുകാരൻ കൊല്ലപ്പെട്ടു
തിരുവനന്തപുരത്ത് സംഘർഷത്തില് പതിനേഴുകാരൻ കൊല്ലപ്പെട്ടു. പെരിങ്ങമല സ്വദേശി ശിവസൂര്യയാണ് മരിച്ചത്. രണ്ട് സുഹൃത്തുക്കള് പോലീസ് കസ്റ്റഡിയില്.അജിത്, കാർത്തിക് എന്നിവരെയാണ് കസ്റ്റഡിയിലെടുത്തത്. ഇരുവരും ചേർന്ന് ആണ് പരിക്കേറ്റ ശിവസുര്യയെ ആശുപത്രിയില് എത്തിച്ചത്. ശരീരമാസകലം പരിക്കേറ്റ നിലയിലാണ് യുവാവിനെ ആശുപത്രിയില് കൊണ്ടുവന്നത്. മെഡിക്കല് കോളേജിലേക്ക് മാറ്റുമ്പോഴേക്കും മരണം സംഭവിച്ചു.ലഹരിപ്പുറത്തുണ്ടായ സംഘർഷത്തിനിടെയാണ് 17കാരൻ കൊല്ലപ്പെട്ടതെന്നാണ് പ്രാഥമിക വിവരം. പുന്നമൂട് ജംഗ്ഷനില്വെച്ച് ഇവർ സംഘർഷത്തില് ഏർപ്പെടുകയായിരുന്നു. ഇതിനിടെ ശിവസൂര്യ ചില്ല് ഗ്ലാസിന് പുറത്തേക്ക് വീഴുകയായിരുന്നു. ചില്ലുകള് ശരീരത്തില് കുത്തിക്കയറിയാണ് മരണം സംഭവിച്ചതെന്നാണ് വിവരം. കൊലപാതകമാണോയെന്ന് പൊലീസ് പരിശോധിച്ചുവരികയാണ്. സമീപത്തെ സിസിടിവി ദൃശ്യങ്ങളും പരിശോധിക്കുന്നുണ്ട്.
