ഇടുക്കിയിൽ റോഷി അഗസ്റ്റിൻ തന്നെ; എൽഡിഎഫിലെ ആദ്യ സ്ഥാനാർത്ഥി പ്രഖ്യാപനം നടത്തി ജോസ് കെ മാണി
ഇടുക്കി: നിയമസഭാ തെരഞ്ഞെടുപ്പിൽ ഇടുക്കി മണ്ഡലത്തിൽ എൽഡിഎഫ് സ്ഥാനാർത്ഥിയായി റോഷി അഗസ്റ്റിൻ മത്സരിക്കും. കേരള കോൺഗ്രസ് (എം) ചെയർമാൻ ജോസ് കെ മാണിയാണ് പ്രഖ്യാപനം നടത്തിയത്. എൽഡിഎഫിലെ ആദ്യത്തെ പരസ്യ സ്ഥാനാർത്ഥി പ്രഖ്യാപനമാണിത്.കേരള കോൺഗ്രസ് എമിന്റെ നിലവിലെ എം എൽ എമാർ സിറ്റിങ് മണ്ഡലങ്ങളിൽ സ്ഥാനാർത്ഥികളാകുമെന്നും ജോസ് കെ മാണി വ്യക്തമാക്കി.എൽഡിഎഫ് മുന്നേറ്റ യാത്രയുടെ കട്ടപ്പനയിലെ സമാപന പരിപാടിയിലാണ് സ്ഥാനാർഥി പ്രഖ്യാപനം നടത്തിയത്. പാർട്ടിയുടെ മറ്റ് എംഎൽഎമാരും അവരവരുടെ മണ്ഡലങ്ങളിൽ മത്സരിക്കുമെന്നും ജോസ് കെ. മാണി പറഞ്ഞു.
