വൻകുടലിലെ കാൻസർ; ഈ ഭക്ഷണങ്ങൾ ഒഴിവാക്കണം, രോഗസാധ്യത കൂടുതൽ ചെറുപ്പക്കാരിൽ

വൻകുടലിലെ അർബുദം (colon cancer) പ്രായമായവർക്കു മാത്രം വരുന്ന ഒരു രോഗമല്ല. അൻപതുവയസ്സിൽ താഴെ പ്രായമുള്ളവരെയും ഇപ്പോൾ ഈ രോഗം ബാധിക്കുന്നു. വൻകുടലിലെയോ മലാശയത്തിലെയോ കലകളിലാണ് (tissues) കാൻസർ ആരംഭിക്കുന്നത്. വൻകുടലിൽ ആരംഭിക്കുന്ന ഈ അർബുദം ചെറിയ പോളിപ്പുകളിൽ നിന്നാണ് തുടങ്ങുന്നത്. ലോകത്ത് വളരെ സാധാരണമായ ഒരു അർബുദമാണിത്. ദിവസേനയുള്ള ചില ശീലങ്ങളാണ് രോഗകാരണമാകുന്നതെന്ന് അടുത്തിടെ നടത്തിയ പഠനങ്ങൾ പറയുന്നു. അൾട്രാ പ്രോസസ് ചെയ്‌ത ഭക്ഷണങ്ങളാണ് രോഗകാരണമാകുന്നത്. വ്യാവസായികാടിസ്ഥാനത്തിൽ ഉൽപാദിപ്പിക്കപ്പെടുന്ന ചില റെഡി ടു ഈറ്റ് ഭക്ഷണങ്ങളാണ് വൻകുടലിൽ കാൻസറിനു മുന്നോടിയായുള്ള വളർച്ചകൾക്ക് കാരണം. പ്രത്യേകിച്ച് ചെറുപ്പക്കാരിലാണ് അൾട്രാപ്രോസസ് ചെയ്ത ഭക്ഷണങ്ങൾ (UPFs) കാൻസറിനു കാരണമാകുന്നത്.*എന്തുകൊണ്ട് ചെറുപ്പക്കാരിൽ…?*വൻകുടലിലെ അർബുദം അഥവാ മലാശയ അർബുദം ചെറുപ്പക്കാരിൽ വർധിച്ചു വരുകയാണ്. മുൻപ് പ്രായമായവരിലാണ് ഈ രോഗം കൂടുതലായി കണ്ടുവന്നിരുന്നത്. എന്നാലിപ്പോൾ അൻപതുവയസ്സിൽ താഴെയുള്ളവരെയാണ് രോഗം കൂടുതലായി ബാധിക്കുന്നു. ഭക്ഷണശീലങ്ങളിലുണ്ടായ മാറ്റങ്ങളും അൾട്രാപ്രോസസ്‌ ചെയ്‌ത ഭക്ഷണങ്ങളും ആവാം ഇതിനു കാരണം. നഴ്സസ് ഹെൽത്ത് സ്‌റ്റഡിയുടെ ഭാഗമായി മുപ്പതിനായിരം സ്ത്രീകളിൽ നടത്തിയ പഠനത്തിൽ, 24 വർഷത്തിലധികം കഴിച്ച ഭക്ഷണങ്ങളുടെ വിവരം പരിശോധിച്ചു. ഒപ്പം കോളനോസ്കോപ്പിയുടെ ഫലങ്ങളും പരിശോധിച്ചു. വളരെയധികം അൾട്രാപ്രോസസ്‌ഡ് ഫുഡ് കഴിച്ച അതായത് ദിവസം പത്തു തവണയിലധികം കഴിച്ച സ്ത്രീയ്ക്ക് കൺവെൻഷണൽ അഡിനോമസ് ബാധിക്കാനുള്ള സാധ്യത 45 ശതമാനത്തിലധികമാണ്. മലാശയ അർബുദത്തിലേക്ക് നയിക്കുന്ന കുടലിലെ പോളിപ്പുകളാണിത്. ബോഡി മാസ് ഇൻഡക്‌സ് (BMI), പ്രമേഹം, ഫൈബർ ഇൻടേക്ക് ഇവയൊക്കെ നിയന്ത്രിച്ചാലും അൾട്രാപ്രോസസ്‌ഡ് ഭക്ഷണങ്ങൾ കുടലിലെ അർബുദ സാധ്യത കുട്ടുന്നു എന്ന് പഠനത്തിൽ കണ്ടു.*ഒഴിവാക്കാം ഈ ഭക്ഷണങ്ങൾ*സംസ്ക്കരിച്ച ഇറച്ചി (ഹോട്ട് ഡോഗ്‌സ്, സോസേജ്, ബേക്കൺ)പ്രോസസ് ചെയ്‌ത റെഡി ടു ഈറ്റ് ഭക്ഷണങ്ങളായ സോസേജ്, ബേക്കൺ, ഹാം തുടങ്ങിയവയെല്ലാം കാൻസർ സാധ്യത വർധിപ്പിക്കും. ഇത്തരം ഇറച്ചികൾ പുരുഷന്മാരിൽ മലാശയ അർബുദസാധ്യത വർധിപ്പിക്കുമെന്ന് ഒരു യുഎസ് പഠനം പറയുന്നു. ഇത്തരം ഇറച്ചികളിൽ നൈട്രേറ്റുകൾ പോലുള്ള പ്രിസർവേറ്റിവുകൾ അടങ്ങിയിട്ടുണ്ട്. ഇത് ഉദരപാളികളിൽ ഡിഎൻഎ ഡാമേജും ഇൻഫ്ലമേഷനും ഉണ്ടാക്കും. ഇത് കാൻസർ സാധ്യത കൂട്ടും.*മധുര പാനീയങ്ങൾ*പഞ്ചസാര ചേർത്ത മധുരപാനീയങ്ങളും അൾട്രാപ്രോസസ് ചെയ്ത ഭക്ഷണങ്ങളിൽപ്പെടും. ഇവ കുടലിലെ അർബുദം വരാനുള്ള സാധ്യത കൂട്ടും. മധുരപാനീയങ്ങളുടെ വർധിച്ച ഉപയോഗം പുരുഷന്മാരിൽ മലാശയ അർബുദ സാധ്യത കുട്ടുമെന്ന് പഠനങ്ങളും പറയുന്നു. ഈ പാനീയങ്ങൾ പൊണ്ണത്തടിക്കും മെറ്റബോളിക് സ്ട്രെസ്സിനും കാരണമാകും. ഇവയിലെ അഡിറ്റീവുകൾ ഉദരത്തിലെ സൂക്ഷ്മാണുക്കളെയും തടസ്സപ്പെടുത്തും.*റെഡി ടു ഈറ്റ് ഫ്രോസൻ ഭക്ഷണങ്ങൾ*ശീതീകരിച്ച ഭക്ഷണങ്ങൾ, ദീർഘകാലം കേടുകൂടാതിരിക്കുന്ന ഭക്ഷണങ്ങൾ, പിസ, ബർഗർ, മറ്റ് ഫാസ്‌റ്റ് ഫുഡുകൾ ഇവയെല്ലാം അൾട്രാപ്രോസസ്സ് ചെയ്‌ത ഭക്ഷണങ്ങളാണ്. ഇവയിലെല്ലാം അനാരോഗ്യകരമായ കൊഴുപ്പുകൾ, റിഫൈൻഡ് കാർബ്‌സ്, ഉപ്പ്, അഡിറ്റീവുകൾ ഇവയുണ്ട്. റെഡി ടു ഈറ്റ് ഭക്ഷണങ്ങൾ സ്ത്രീകളിൽ മലാശയ അർബുദസാധ്യത വർധിപ്പിക്കുമെന്ന് ഒരു പഠനം പറയുന്നു.*ബേക്കറി ഉൽപന്നങ്ങൾ*പായ്ക്കറ്റിൽ ലഭ്യമായ ബ്രെഡുകൾ, ബൺസ് ഇവയെല്ലാം വളരെയധികം പ്രോസസ് ചെയ്‌ത ഭക്ഷണങ്ങളാണ്. ഇവയിൽ എമൾസിഫയറുകൾ, പ്രിസർവേറ്റീവുകൾ തുടങ്ങിയ അഡിറ്റീവുകളും റിഫൈൻഡ് സ്റ്റാർച്ചും ഉണ്ട്. എല്ലാ ബ്രെഡും ദോഷകരമല്ല. എന്നാൽ അൾട്രാപ്രോസസ് ചെയ്‌തവയിൽ ഫൈബർ ഉണ്ടാവില്ല. ഇവയിലെ ചേരുവകൾ ഉദരാരോഗ്യം നശിപ്പിക്കും.*ബ്രോക്ക്ഫാസ്‌റ്റ് സെറിയലുകൾ* എളുപ്പത്തിൽ ഉണ്ടാക്കാൻ സാധിക്കുമെങ്കിലും മിക്ക ബ്രേക്ക്ഫാസ്‌റ്റ് സെറിയലുകളും അൾട്രാ പ്രോസസ്‌ഡ് ആണ്. ഇവയിൽ പഞ്ചസാര, സംസ്ക്കരിച്ച ധാന്യങ്ങൾ, അഡിറ്റീവുകൾ ഇവ ധാരാളമായുണ്ട്. ഇത്തരം സെറിയലുകളിൽ ഫൈബർ വളരെ കുറവായിരിക്കും. ഇവയെല്ലാം മലാശയ അർബുദസാധ്യത കൂട്ടും.*ഇൻസ്റ്റ‌ന്റ് നുഡിൽസ്, സൂപ്പുകൾ*ഇൻസ്‌റ്റന്റ്റ് നൂഡിൽസ്, പായ്ക്കറ്റിൽ ലഭ്യമായ സൂപ്പുകൾ തുടങ്ങിയവ അൾട്രാ പ്രോസസ്‌ഡ് ഭക്ഷണങ്ങളാണ്. ഇവയിൽ ഹൈഡ്രോജനേറ്റഡ് ഓയിലുകൾ, മോഡിഫൈഡ് സ്‌റ്റാർച്ചുകൾ, പ്രിസർവേറ്റീവുകൾ ഇവയെല്ലാം അടങ്ങിയിട്ടുണ്ട്. ഇതെല്ലാം തുടർച്ചയായി കഴിക്കുന്നത് ദോഷകരമാണ്. ഈ അഡിറ്റീവുകൾ ഉദരപാളികൾക്ക് ദോഷം ചെയ്യും. ഉദരത്തിലെ സൂക്ഷ്‌മാണുക്കളെ നശിപ്പിക്കും. കൂടാതെ കാൻസർ സാധ്യത കൂട്ടുകയും ചെയ്യും.*ഫ്ലേവേർഡ് യോഗർട്ട്*കൃത്രിമ മധുരങ്ങളും എമൾസിഫയറുകളും അടങ്ങിയ ഫ്ലേവേർഡ് യോഗർട്ടും ചില ഡയറി ഡെസർട്ടുകളും അർബുദസാധ്യത കൂട്ടും.*കുടലിലെ കാൻസറിൻ്റെ ലക്ഷണങ്ങൾ*👉 ബവൽ ശീലങ്ങളിലെ മാറ്റം – വയറിളക്കം, മലബന്ധം, മലം മുറുകുക👉 മലത്തിൽ രക്തം – ഇരുണ്ടതോ ചുവപ്പോ നിറത്തിൽ രക്തം👉 ഉദരത്തിൽ അസ്വസ്‌ഥത – വയറുവേദന, വായുകോപം (gas), വേദന👉 അകാരണമായി ശരീരഭാരം കുറയുക👉 ക്ഷിണം – കാരണമില്ലാതെ തന്നെ കടുത്ത ക്ഷീണവും തളർച്ചയും👉 മലവിസർജനം പൂർണമായില്ല എന്ന തോന്നൽ👉 തുടർച്ചയായി വയറു കമ്പിക്കുക (bloating)യും വയറു നിറഞ്ഞു എന്ന തോന്നലുണ്ടാവുകയും ചെയ്യുക.