തിരുവനന്തപുരം നഗര സഭ തട്ടിപ്പിൻ്റെ കേന്ദ്രം : വി വി രാജേഷ്

തിരുവനന്തപുരം: തിരുവനന്തപുരം നഗര സഭ തട്ടിപ്പിൻ്റെ കേ ന്ദ്രമായി മാറിയെന്നും, വഴുതക്കാട് സ്ഥാപിച്ച് പൊളിച്ച് കളഞ്ഞ സ്ത്രീ സൗഹൃദ ഇടനാഴിയിലൂടെ 93 ലക്ഷം രൂപയുടെ തട്ടിപ്പാണ് നടന്നത്. പേരൂർക്കടയിലെ ഒരു കോടി നാല്പതു ലക്ഷം രൂപ തട്ടിച്ച് വയലിനെ നീന്തൽകുളം എന്ന പേരിൽ ഉദ്ഘാടനം നടത്താൻ മേയർ ശ്രമിച്ചത് നാട്ടുകാർ തടഞ്ഞത് കഴിഞ്ഞ അഞ്ച് വർഷമായി നടത്തുന്ന തട്ടിപ്പിൻ്റെ ഏറ്റവും പുതിയ തെളിവാണന്നും ബിജെപി സംസ്ഥാന സെക്രട്ടറി വി വി രാജേഷ് പറഞ്ഞു.ബി ജെ പി ഉപാദ്ധ്യക്ഷ കൂടിയായ മുൻ ഡി ജി പി ശ്രീലേഖ IPS വട്ടിയൂർക്കാവ് മണ്ഡലത്തിൽ നടത്തിയ അനന്തപുരി വികസന സന്ദേശ യാത്രയുടെ സമാപന സമ്മേളനം ഉദ്ഘാടനം ചെയ്ത് സംസാരിക്കുക ആയിരുന്നു വി വി രാജേഷ്. ശാസ്തമംഗലത്ത് നിന്ന് ആരംഭിച്ച് നെട്ടയത്ത് സമാപിച്ച പദയാത്രയ്ക്ക് മരുതം കുഴി, കാഞ്ഞിരം പാറ, വട്ടിയൂർക്കാവ്, പോളി ടെക്നിക്ക്, നെട്ടയം എന്നീ ജംഗ്ഷനുകളിൽ നാട്ടുകാർ സ്വീകരണം നല്കി.