ഗുജറാത്തിന് നഷ്ടമായത് പ്രിയപ്പെട്ട നേതാവിനെ
ലണ്ടനിലേക്കുള്ള എയര്‍ഇന്ത്യ വിമാനം തകര്‍ന്നെന്ന വാര്‍ത്ത വന്നതിന് പിന്നാലെ യാത്രക്കാരില്‍ ഒരാള്‍ ഗുജറാത്ത് മുന്‍ മുഖ്യമന്ത്രിയായ വിജയ് ആര്‍ രൂപാണിയാണെന്ന വാര്‍ത്ത വന്നിരുന്നു. പിന്നാലെ വിമാനത്തിലുണ്ടായിരുന്ന എല്ലാവരും മരിച്ചെന്ന വാര്‍ത്ത വരികയും, 69കാരനായ ബിജെപി നേതാവിന്റെ മരണം സ്ഥിരീകരിക്കുകയായിരുന്നു. ഗുജറാത്തിന്റെ പതിനാറാം മുഖ്യമന്ത്രിയായിരുന്ന രൂപാണി ലണ്ടനിലുള്ള ഭാര്യയെയും മകളെയും കാണാന്‍ പോകുകയായിരുന്നു. അഞ്ജലി രൂപാണിയാണ് ഭാര്യ. പുജിത്, ഋഷഭ്, രാധിക എന്നിവരാണ് മക്കള്‍.
