സാംസങ് ഗോഡൗണിലെ ലിഫ്റ്റ് തകർന്ന് അഞ്ച് ജീവനക്കാർക്ക് പരിക്കേറ്റു

കളമശ്ശേരി: ഗെയിൽ ലിമിറ്റഡിന് സമീപത്തെ സാംസങ് ഗോഡൗണിലെ ലിഫ്റ്റ് തകർന്ന് അഞ്ച് ജീവനക്കാർക്ക് പരിക്കേറ്റു. പരിക്കേറ്റവരെ എറണാകുളം മെഡിക്കൽ കോളേജിലെ അത്യാഹിത വിഭാഗത്തിൽ പ്രവേശിപ്പിച്ചു.പരിക്കേറ്റവരിൽ ശ്രുതി (23), ജൂലാൻ( 35), ശിപ്പായി( 22 ), വിനോദ് (23) എന്നിവർക്ക് കാലുകൾക്ക് ഒടിവുണ്ട്. തിമാൻ, പാസ്വാൻ എന്നിവർക്ക് നിസാര പരിക്കുകളാണുള്ളത്.കാലിന് ഒടിവ് പറ്റിയ ശ്രുതിയെ പ്രാഥമിക ചികിത്സയ്ക്ക് ശേഷം സ്വകാര്യ ആശുപത്രിയിലേക്കു മാറ്റി.