തൃശ്ശൂര്‍ സ്വരാജ് റൗണ്ടിനെ വിറപ്പിക്കാന്‍ ഇന്ന് പുലികളിറങ്ങും

തൃശൂര്‍: തൃശ്ശൂര്‍ സ്വരാജ് റൗണ്ടിനെ വിറപ്പിക്കാന്‍ ഇന്ന് പുലികളിറങ്ങും. ശക്തന്റെ തട്ടകത്തെ ത്രസിപ്പിക്കാനായി 350ലേറെ പുലികളാണ് ഇറങ്ങുക. പുലിക്കളിയില്‍ പാട്ടുരായ്ക്കല്‍ സംഘമായിരിക്കും ആദ്യം സ്വരാജ് റൗണ്ടില്‍ പ്രദേശിക്കുക. പുലിക്കളിയുടെ ഭാഗമായി തൃശൂരില്‍ പൊലീസ് സുരക്ഷയും ശക്തമാക്കിയിട്ടുണ്ട്. സ്വരാജ് റൗണ്ടലേക്ക് വാഹനങ്ങളെ പ്രവേശിപ്പിക്കില്ല. ഏഴു സംഘങ്ങളിലായി 350 പുലികളാണ് ആകെയുണ്ടാകുക.പുലിമടകളില്‍ ഒരുക്കങ്ങള്‍ തകൃതിയായി നടക്കുകയാണ്. കാലത്ത് തന്നെ മെയ്യെഴുത്ത് ആരംഭിച്ചു. 35 മുതല്‍ 51 വരെ പുലികളാണ് ഓരോ സംഘങ്ങളിലുമുള്ളത്.ഉച്ചതിരിഞ്ഞ് 3 മണിയോടെ സംഘങ്ങള്‍ മട വിട്ടിറങ്ങും. വൈകിട്ട് 5 ന് നായ്ക്കനാലില്‍ പാട്ടുരായ്ക്കല്‍ ദേശം പ്രവേശിക്കുന്നതോടെയാണ് ഫ്‌ളാഗ് ഓഫ് നടക്കുക. പിന്നാലെ ഓരോ സംഘങ്ങളായി സ്വരാജ് റൗണ്ടിലേക്കെത്തും. എട്ടടി ഉയരമുള്ള ട്രോഫിയും 62,500 രൂപയുമാണ് ഒന്നാം സ്ഥാനക്കാരെ കാത്തിരിക്കുന്നത്. വേഷത്തിനും അച്ചടക്കത്തിനും മേളത്തിനും പുരസ്‌കാരങ്ങളുണ്ട്.