വഴിവെട്ടുന്നതുമായി ബന്ധപ്പെട്ട തർക്കത്തെ തുടർന്ന് യുവാവിനെ രണ്ടുപേർ ചേർന്ന് മർദ്ദിച്ചതായി പരാതി
നെടുമങ്ങാട്: വഴിവെട്ടുന്നതുമായി ബന്ധപ്പെട്ട തർക്കത്തെ തുടർന്ന് യുവാവിനെ രണ്ടുപേർ ചേർന്ന് മർദ്ദിച്ചതായി പരാതി. വെള്ളൂർക്കോണം ഇടയ്ക്കട്ടകോണത്തു വീട്ടിൽ സജി (44) യെ ആണ് ആക്രമിച്ചത്. വെള്ളൂർക്കോണം സ്വദേശികളായ മണികുമാർ (50), സജിൻ (26) എന്നിവർ ചേർന്നായിരുന്നു ആക്രമണം.കഴിഞ്ഞ ദിവസം വൈകീട്ടായിരുന്നു സംഭവം. തർക്കങ്ങൾക്കിടെ മണികുമാറും സജിനും ചേർന്നു കമ്പിവടി കൊണ്ടു സജിയെ ആക്രമിക്കുകയായിരുന്നുവെന്നാണ് പരാതിയിൽ പറയുന്നത്.നട്ടെല്ലിനു ഗുരുതര പരിക്കേറ്റ സജിയെ മെഡിക്കൽ കോളജ് ആശുപത്രിയിൽ തീവ്രപരിചരണ വിഭാഗത്തിൽ പ്രവേശിപ്പിച്ചു. സംഭവത്തിൽ, അരുവിക്കര പൊലീസ് കേസെടുത്തിട്ടുണ്ട്.
