കേന്ദ്രസഹമന്ത്രിയായി ചുമതലയേറ്റ നിയുക്ത തൃശ്ശൂര് എംപി സുരേഷ് ഗോപി ഇന്ന് കണ്ണൂരിലെത്തും
കണ്ണൂര് : കേന്ദ്രസഹമന്ത്രിയായി ചുമതലയേറ്റ നിയുക്ത തൃശ്ശൂര് എംപി സുരേഷ് ഗോപി ഇന്ന് കണ്ണൂരിലെത്തും. രാവിലെ പതിനൊന്ന് മണിയോടെ കണ്ണൂരിലെത്തുന്ന സുരേഷ് ഗോപി മാടായി കാവ്, രാജരാജേശ്വര ക്ഷേത്രം, പറശിനിക്കടവ് മുത്തപ്പന് മഠപ്പുര എന്നിവിടങ്ങളില് ദര്ശനം നടത്തും. പിന്നീട് കണ്ണൂര് പയ്യാമ്പലത്തെ മാരാര് ജി സ്മൃതി കുടീരത്തിലെത്തി പുഷ്പാര്ച്ചന നടത്തും. തുടര്ന്ന് കല്യാശേരിയിലേക്ക് പോകുന്ന സുരേഷ് ഗോപി മുന് മുഖ്യമന്ത്രി സിപിഎം നേതാവായിരുന്ന ഇകെ നായനാരുടെ വീട്ടിലെത്തി ഭാര്യ ശാരദ ടീച്ചറെ സന്ദര്ശിക്കും. ശേഷം കൊട്ടിയൂര് ക്ഷേത്രത്തിലും ദര്ശനം നടത്തും. പിന്നീട് തൃശൂരിലേക്ക് മടങ്ങും.
