പാറശ്ശാലയിൽ പരക്കെ കാറ്റിലും മഴയിലും നാശനഷ്ടം
*പാറശ്ശാല* : ഇന്നലെ വൈകിട്ടുണ്ടായ ശക്തമായ കാറ്റിലും മഴയിലും പാറശ്ശാലയിൽ പരക്കെ നാശനഷ്ടം. പല സ്ഥലത്തും മരങ്ങൾ കടപുഴകി. പരശുവയ്ക്കലിന് സമീപം മൂന്ന് വീടുകൾക്ക് മുകളിലൂടെ അടുത്ത പുരയിടത്തിലെ പുളിമരം കടപുഴകി. പരശുവയ്ക്കലിന് സമീപം കൊറ്റാമം മഞ്ചവിള പുത്തൻവീട്ടിൽ പ്രവീണിന്റെ വീട്ടിന് മുകളിലാണ് മരം വീണത്. വീട്ടുകാർ മണിക്കൂറുകളോളം പുറത്തിറങ്ങാൻ കഴിയാതെ വീട്ടിൽ അകപ്പെട്ടു. വിവരം പാറശ്ശാല ഫയർ ഫോഴ്‌സിനെ അറിയിച്ചതിനെ തുടർന്ന് മരച്ചില്ലകൾ മുറിച്ചുമാറ്റുകയായിരുന്നു. പല സ്ഥലത്തും ഇലക്ട്രിക് ലൈനുകൾക്ക് മുകളിലൂടെ മരങ്ങൾ മറിഞ്ഞുവീണ് വൈദ്യുതി വിതരണം മണിക്കൂറുകളോളം തകരാറിലായി.
