സെക്രട്ടേറിയറ്റിന് മുമ്പില്‍ സിപിഒ റാങ്ക് ഹോൾഡേഴ്‌സ് നടത്തുന്ന സമരത്തിന് പുതിയ മുഖം
തിരുവനന്തപുരം: സെക്രട്ടേറിയറ്റിന് മുമ്പില്‍ സിപിഒ റാങ്ക് ഹോൾഡേഴ്‌സ് നടത്തുന്ന സമരത്തിന് പുതിയ മുഖം. സമരത്തിന്‍റെ 20ാം ദിവസം കുടുംബങ്ങൾക്കൊപ്പം തലസ്ഥാനത്തെത്തി റോഡ് ഉപരോധിച്ച് ഉദ്യോഗാര്‍ഥികള്‍.
ഉച്ചയ്‌ക്ക് 12 മണിയ്‌ക്ക് ആരംഭിച്ച ഉപരോധം 2 മണിക്കൂര്‍ നീണ്ടു നിന്നു.സമരം ആരംഭിച്ച് ദിവസങ്ങൾ കഴിഞ്ഞിട്ടും സർക്കാരിൽ നിന്ന് യാതൊരു ചർച്ചയും നടത്താത്തതിനാലാണ് ഉദ്യോഗാർഥികൾ സമരം ശക്തമാക്കിയത്. ഉദ്യോഗാർഥികളെ കൂടാതെ ശശി തരൂർ എംപി, കോൺഗ്രസ് എംഎൽഎമാരായ മാത്യു കുഴൽ നാടൻ, എം വിൻസെന്‍റ്, ആർഎസ്‌പി നേതാവ് ഷിബു ബേബി ജോൺ, തുടങ്ങി വ്യത്യസ്‌ത രാഷ്ട്രീയ പാർട്ടി നേതാക്കളും സമരത്തിൽ പങ്കാളികളായി.
