തലസ്ഥാനത്ത് രണ്ട് വയസുകാരിയെ തട്ടിക്കൊണ്ടുപോയ കേസിൽ എഫ് ഐ ആറിന്റെ കൂടുതൽ വിശദാംശങ്ങൾ പുറത്ത്

തിരുവനന്തപുരം : തലസ്ഥാനത്ത് രണ്ട് വയസുകാരിയെ തട്ടിക്കൊണ്ടുപോയ കേസിൽ എഫ് ഐ ആറിന്റെ കൂടുതൽ വിശദാംശങ്ങൾ പുറത്ത്. കാണാതായ മേരി എന്ന രണ്ട് വയസുകാരിക്ക് മൂന്നടി ഉയരവും മെലിഞ്ഞ ശരീരവുമാണ്. കറുപ്പിൽ വെള്ളപ്പുള്ളിയുള്ള ടീ ഷർട്ടാണ് കാണാതായപ്പോൾ കുട്ടി ധരിച്ചിരുന്നത്.കുട്ടിയെ പറ്റി എന്തെങ്കിലും വിവരം ലഭിക്കുന്നവർ 0471-2743195 എന്ന നമ്പറിൽ ബന്ധപ്പെടണമെന്ന് പോലീസ് അറിയിച്ചിട്ടുണ്ട്. പേട്ടയിൽ നാടോടി ദമ്പതികളുടെ മകളെയാണ് അജ്ഞാതർ തട്ടിക്കൊണ്ടുപോയത്.ഇന്നലെ രാത്രി പന്ത്രണ്ടിനും ഒരു മണിക്കും ഇടയിലാണ് സംഭവം. പോലീസ് വ്യാപക പരിശോധന നടത്തുകയാണ്. അതിർത്തകളടക്കം അടച്ചാണ് പോലീസ് പരിശോധിക്കുന്നത്.