തദ്ദേശ ഉപ തെരഞ്ഞെടുപ്പിൽ യുഡിഎഫ് തരംഗമെന്ന് പ്രതിപക്ഷ നേതാവ് വിഡി സതീശൻ

തദ്ദേശ ഉപ തെരഞ്ഞെടുപ്പിൽ യുഡിഎഫ് തരംഗമെന്ന് പ്രതിപക്ഷ നേതാവ് വിഡി സതീശൻ. 33ൽ 17 സീറ്റാണ് യുഡിഎഫ് നേടിയത്. അഞ്ച് സീറ്റ് എൽഡിഎഫിൽ നിന്ന് പിടിച്ചെടുത്തു. ഈ സർക്കാർ അധികാരത്തിൽ എത്തിയതിന് ശേഷമുള്ള എല്ലാ തദ്ദേശ ഉപതെരഞ്ഞെടുപ്പുകളിലും യുഡിഎഫ് മേൽക്കോയ്മ നേടിയിട്ടുണ്ടെന്നും സതീശൻ പറഞ്ഞു.2020ൽ നടന്ന തദ്ദേശ തെരഞ്ഞെടുപ്പിനേക്കാൾ മെച്ചപ്പെട്ട വിജയം എല്ലാ ഉപതെരഞ്ഞെടുപ്പുകളിലും ഉണ്ടായിട്ടുണ്ട്. 33 സ്ഥലങ്ങളിൽ നടന്ന തെരഞ്ഞെടുപ്പിൽ വ്യക്തമായ മേൽക്കൈയും തരംഗവും യുഡിഎഫിനുണ്ടായിട്ടുണ്ട്. 33ൽ 17 സീറ്റ് പിടിച്ചപ്പോൾ ഒരു സീറ്റ് ഒരു വോട്ടിനും മറ്റൊരു സീറ്റ് നാല് വോട്ടിനുമാണ് നഷ്ടമായത്. അത്രയും വലിയ വിജയമാണ് നേടിയത്. എല്ലാ വോട്ടർമാർക്കും നന്ദി പറയുന്നതായും സതീശൻ പറഞ്ഞു.