വൈദ്യുതിബിൽ അടക്കാത്തതിനെത്തുടർന്ന് തർക്കം ജീവനക്കാരനുനേരേ അതിക്രമം , : ഒരാൾ അറസ്റ്റിൽ

പാനൂർ : വൈദ്യുതിബിൽ അടയ്ക്കാത്തതിനെത്തുടർന്ന് വൈദ്യുതിബന്ധം വിച്ഛേദിക്കാനെത്തിയ ജീവനക്കാരനെ തടഞ്ഞുനിർത്തി ഭീഷണിപ്പെടുത്തിയതായി പരാതി. സംഭവത്തിൽ വിളക്കോട്ടൂരിലെ ചാമോളതിൽ ബാബുവി (48) നെ കൊളവല്ലൂർ പോലീസ് അറസ്റ്റ് ചെയ്തു. പാറാട് വൈദ്യുതി ഓഫീസിലെ പി.കുഞ്ഞുമോനാണ് അതിക്രമത്തിനിരയായത്. തിങ്കളാഴ്ചയാണ് സംഭവം.ബിൽ അടക്കാത്തവരുടെ പട്ടികയുമായി പോകുകയായിരുന്ന കുഞ്ഞു മോനെ വിളക്കോട്ടൂർ തെക്കും മുറി ട്രാൻസ്ഫോർമറിന് സമീപം തടഞ്ഞുവെച്ച് ഭീഷണിപ്പെടുത്തുകയും പട്ടിക തട്ടിപ്പറിക്കുകയും ചെയ്തുവെന്നാണ് പരാതി. സി.ഐ. എൻ.പ്രജീഷ്, എസ്.ഐ. ടി.എൻ.പ്രസാദ് എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടിച്ചത്. ഇയാളെ റിമാൻഡ് ചെയ്തു.