മൂന്ന് ദിവസത്തെ സന്ദർശനത്തിനായി വയനാട് എംപി രാഹുൽ ഗാന്ധി കേരളത്തിൽ

മൂന്ന് ദിവസത്തെ സന്ദർശനത്തിനായി വയനാട് എംപി രാഹുൽ ഗാന്ധി കേരളത്തിൽ. ഇന്ന് രാവിലെ 9 മണിക്ക് പി സീതി ഹാജിയുടെ നിയമസഭാ പ്രസംഗങ്ങൾ എന്ന പുസ്തകം കോഴിക്കോട് കടവ് റിസോർട്ടിൽ നടക്കുന്ന ചടങ്ങിൽ രാഹുൽ ഗാന്ധി പ്രകാശനം ചെയ്യും. തുടർന്ന് മലപ്പുറം ജില്ലയിലെ വിവിധ പരിപാടികളിൽ അദ്ദേഹം പങ്കെടുക്കുംനാളെ വയനാട് ജില്ലയിലെ വിവിധ പരിപാടികളിലും രാഹുൽ പങ്കെടുക്കും. ഡിസംബർ ഒന്നിന് രാവിലെ 9 മണിക്ക് കെപിസിസിയുടെ പ്രഥമ പ്രിയദർശിനി സാഹിത്യ പുരസ്‌കാരം ടി പത്മനാഭവന് സമ്മാനിക്കും. 11.25ന് കൊച്ചി മറൈൻ ഡ്രൈവിൽ മഹിളാ കോൺഗ്രസ് സംസ്ഥാന കൺവെൻഷൻ ഉദ്ഘാടനം ചെയ്യും. 2.15ന് എറണാകുളം ടൗൺ ഹാളിൽ സുപ്രഭാതം ദിനപത്രത്തിന്റെ വാർഷികാഘോഷം ഉദ്ഘാടനം ചെയ്ത ശേഷം രാഹുൽ ഡൽഹിക്ക് മടങ്ങും.