മദ്യലഹരിയില്‍ കണ്ടെയ്‌നര്‍ ലോറി ഓടിച്ച് നിരവധി വാഹനങ്ങളില്‍ ഇടിപ്പിച്ച യു.പി. സ്വദേശി അറസ്റ്റില്‍
കോട്ടയം: മദ്യലഹരിയില്‍ കണ്ടെയ്‌നര്‍ ലോറി ഓടിച്ച് നിരവധി വാഹനങ്ങളില്‍ ഇടിപ്പിച്ച യു.പി. സ്വദേശി അറസ്റ്റില്‍. ഏറ്റുമാനൂര്‍ ഭാഗത്ത് നിന്നാണ് കണ്ടെയ്‌നര്‍ ലോറി കോട്ടയത്ത് എത്തിയത്. ഇന്നലെ രാത്രി 9.30നായിരുന്നു സംഭവം. ഇതിനിടെ നിരവധി വാഹനങ്ങളില്‍ തട്ടിയെങ്കിലും നിര്‍ത്താതെ പോകുകയായിരുന്നു. ലോഗോസ് ജങ്ഷന് ചുറ്റി വീണ്ടും ഏറ്റുമാനൂര്‍ ഭാഗത്തേക്ക് പോകുന്നതിനിടെ മറ്റു വാഹനയാത്രികരും പോലീസും പിന്തുടരുകയായിരുന്നു. എസ്.എച്ച്. മൗണ്ടില്‍ എത്തിയപ്പോള്‍ കണ്ടെയ്‌നര്‍ തടഞ്ഞ് ഡ്രൈവറെ പിടികൂടുകയായിരുന്നു.
