ഹൗസ് ബോട്ടുകള്‍ തീ പിടുത്തത്തിൽ കത്തി നശിച്ചു

Spread the love

ശ്രീനഗര്‍: കശ്മീരിലെ ദാല്‍ തടാകത്തില്‍ ഹൗസ് ബോട്ടുകള്‍ തീ പിടുത്തത്തിൽ കത്തി നശിച്ചു. അപകടത്തില്‍ ബംഗ്ലാദേശികളായ മൂന്ന് വിനോദയാത്രക്കാർ മരിച്ചു. ശനിയാഴ്ച പുലര്‍ച്ചെ 5:15-ഓടെയാണ് തീപിടിത്തമുണ്ടായത്. നിരവധി ബോട്ടുകള്‍ അഗ്നിക്കിരയാവുകയും കുറഞ്ഞത് അഞ്ച് ഹൗസ് ബോട്ടുകൾ പൂർണമായും കത്തി നശിക്കുകയും ചെയ്തുവെന്നാണ് റിപ്പോർട്ടുകൾ. ഇവയ്ക്കിടയില്‍ മണിക്കൂറുകളോളം നടത്തിയ തിരച്ചിലിൽ കത്തിക്കരിഞ്ഞ നിലയിൽ മൂന്നുപേരുടെ മൃതദേഹങ്ങള്‍ കണ്ടെത്തുകയായിരുന്നു.മരിച്ചവരില്‍ സ്ത്രീയും പുരുഷനും ഉള്‍പ്പെടുന്നു. ബംഗ്ലാദേശില്‍നിന്നുള്ള വിനോദയാത്രക്കാരായ ഇവര്‍ സഫീന എന്ന ഹൗസ്‌ബോട്ടില്‍ രാത്രി കഴിയവേയാണ് ദുരന്തമുണ്ടായത്. അപകടത്തില്‍ ബോട്ടും പൂർണമായും കത്തിയമർന്നു.ദാല്‍ തടാകത്തിലെ ഘാട്ട് നമ്പര്‍ ഒന്‍പതിനു സമീപമുള്ള ഒരു ഹൗസ് ബോട്ടിലാണ് ആദ്യം തീ പടര്‍ന്നതെന്ന് പോലീസ് വ്യക്തമാക്കി. പെട്ടെന്നുതന്നെ ഇത് മറ്റു ബോട്ടുകളിലേക്കും വ്യാപിച്ചു. മറ്റു ചില ബോട്ടുകള്‍ക്കും ഹട്ടുകള്‍ക്കും കേടുപാടുകള്‍ പറ്റിയിട്ടുണ്ട്. കോടികളുടെ നഷ്ടം കണക്കാക്കുന്നു.

Leave a Reply

Your email address will not be published. Required fields are marked *