ചേരമ്പാടി കോരഞ്ചാലിൽ മധ്യവയസ്കനെ കാട്ടാന ചവിട്ടിക്കൊന്നു

വയനാട് : ചേരമ്പാടി കോരഞ്ചാലിൽ മധ്യവയസ്കനെ കാട്ടാന ചവിട്ടിക്കൊന്നു. കുമാരൻ (45) ആണ് മരിച്ചത്. ചപ്പന്തോട് വീട്ടിൽ നിന്ന് ചേരമ്പാടിക്ക് നടന്നുവരും വഴിയാണ് കാട്ടാനെ കുമാരനെ ആക്രമിച്ചത്. ആക്രമണത്തിൽ ഗുരതരമായി പരിക്കേറ്റ മധ്യവയസ്കൻ കുമാരൻ തൽക്ഷണം തന്നെ മരണപ്പെട്ടു. അതേസമയം പ്രദേശത്ത് കാട്ടാനയുടെ ആക്രമണം പതിവാണെന്നും നാട്ടുകാർക്ക് കാട്ടാനകൾ ഭീഷണിയായെന്നും പ്രദേശവാസികൾ പറഞ്ഞു.