ജപ്പാനിൽ ഭൂചലനം. റിക്ടർ സ്കെയിലിൽ 6.4 തീവ്രത രേഖപ്പെടുത്തി
ടോക്യോ: ജപ്പാനിൽ ഭൂചലനം. റിക്ടർ സ്കെയിലിൽ 6.4 തീവ്രത രേഖപ്പെടുത്തിയ ഭൂചലനം ജാപ്പനീസ് നഗരമായ ഓകിനാവയിലാണ് അനുഭവപ്പെട്ടത്. ജാപ്പനീസ് സമയം രാത്രി 10.21നായിരുന്നു ഭൂചലനമെന്ന് ജപ്പാൻ ഭൗമശാസ്ത്ര ഏജൻസി അറിയിച്ചു. 170 കിലോ മീറ്റർ ആഴത്തിലായിരുന്നു പ്രകമ്പനമെന്നാണ് റിപ്പോർട്ട്.ജപ്പാനിലെ മിയാകോ ദ്വീപിന് സമീപമായിരുന്നു ഭൂചലനത്തിന്റെ പ്രഭവകേന്ദ്രം. ഭൂചലനത്തിൽ ആളപായമോ നാശനഷ്ടങ്ങളോ റിപ്പോർട്ട് ചെയ്യപ്പെട്ടിട്ടില്ല. സുനാമി മുന്നറിയിപ്പും നിലവിലില്ലെന്ന് അമേരിക്കൻ ഭൗമശാസ്ത്ര ഏജൻസി അറിയിച്ചു.
