ഏദൻ വാലി എസ്റ്റേറ്റിൽ വീണ്ടും കടുവ സാന്നിധ്യം

വയനാട് : ഏദൻ വാലി എസ്റ്റേറ്റിൽ വീണ്ടും കടുവ സാന്നിധ്യം. രാവിലെ എസ്റ്റേറ്റിൽ ജോലിക്കെത്തിയ തൊഴിലാളികളാണ് കടുവ കണ്ടത്. തൊഴലാളികൾക്ക് നേരെ കടുവ ചീറിപായുകയും തൊഴിലാളികളായ ശാരദ , ഇന്ദിര, എന്നിവർ തലനാരിഴക്കാണ് രക്ഷപ്പെട്ടത്. നിലവിൽ ഫോറസ്റ്റ് ഉദ്യോഗസ്ഥർ സ്ഥലത്തെത്തി പരിശോധന ആരംഭിച്ചു. കടുവയെ കണ്ടതോടെ തൊഴിലാളികൾ ഭീതിയിലാണ്. കഴിഞ്ഞ വർഷം എസ്റ്റേറ്റിൽ നിന്ന് ഒരു കടുവയെ കൂട് വെച്ച് പിടികൂടിയിരുന്നു.