കേബിൾ കഴുത്തിൽ കുടുങ്ങി സ്കൂട്ടറിൽ നിന്ന് റോഡിലേയ്ക്ക് തെറിച്ചു വീണ യുവാവിന് ഗുരുതര പരിക്ക്

കൊച്ചി: കേബിൾ കഴുത്തിൽ കുടുങ്ങി സ്കൂട്ടറിൽ നിന്ന് റോഡിലേയ്ക്ക് തെറിച്ചു വീണ യുവാവിന് ഗുരുതര പരിക്ക്. കൊച്ചിയിൽ എറണാകുളം – കോമ്പാറ മാർക്കറ്റ് റോഡിൽ തിങ്കളാഴ്ച രാവിലെയായിരുന്നു അപകടം നടന്നത്. കഴുത്തിൽ കേബിൾ കുടുങ്ങി സ്കൂട്ടറിൽ നിന്ന് റോഡിലേയ്ക്ക് തെറിച്ചു വീണ കലൂർ കറുകപ്പിള്ളി സ്വദേശി മുഹമ്മദ് ഇർഫാന്റെ (20) ഇടുപ്പെല്ലിന് പരിക്കേറ്റിട്ടുണ്ട്.ഗുരുതരമായി പരിക്കേറ്റ മുഹമ്മദ് ഇർഫാൻ സ്വകാര്യ ആശുപത്രിയിൽ ചികിത്സയിലാണ്. റോഡിന് കുറുകെ കേബിൾ അലക്ഷ്യമായി കിടന്നതാണ് അപകടത്തിന് കാരണമെന്ന് നാട്ടുകാർ പറയുന്നു. സംഭവത്തിൽ നടപടിയാവശ്യപ്പെട്ട് ഇർഫാന്റെ കുടുംബം എറണാകുളം സെൻട്രൽ പൊലീസ് സ്റ്റേഷനിൽ പരാതി നൽകി.