സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാനും പ്രധാനമന്ത്രി നരേന്ദ്രമോദിയും ഇന്ന് ഹൈദരാബാദ് ഹൗസില്‍ കൂടിക്കാഴ്ച നടത്തും
സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാനും പ്രധാനമന്ത്രി നരേന്ദ്രമോദിയും ഇന്ന് ഹൈദരാബാദ് ഹൗസില്‍ കൂടിക്കാഴ്ച നടത്തും. ജി20 ഉച്ചകോടിക്കായി ഡല്‍ഹിയിലെത്തിയ കിരീടാവകാശി കൂടുതല്‍ ചര്‍ച്ചകള്‍ക്കായി രാജ്യത്ത് തുടരുകയായിരുന്നു.കൂടിക്കാഴ്ചയ്ക്ക് മുമ്പായി കിരീടാവകാശിക്ക് രാഷ്ട്രപതി ഭവനില്‍ രാവിലെ സ്വീകരണം നല്‍കും. ഇതിനു ശേഷം ഹൈദരാബാദ് ഹൗസില്‍ നടക്കുന്ന കൂടിക്കാഴ്ചയില്‍ അദ്ദേഹം ഇന്ത്യ-സൗദി പങ്കാളിത്ത കൗണ്‍സിലിന്റെ ആദ്യ യോഗ മിനിട്‌സില്‍ ഒപ്പുവയ്ക്കും. ഇതിനു ശേഷം വൈകീട്ട് 6.30ന് രാഷ്ട്രപതി ഭവനില്‍ രാഷ്ട്രപതി ദ്രൗപതി മുര്‍മുവുമായും മുഹമ്മദ് ബിന്‍ സല്‍മാന്‍ കൂടിക്കാഴ്ച നടത്തും. രാത്രി എട്ടരയോടു കൂടി അദ്ദേഹം ഡല്‍ഹിയില്‍ നിന്ന് സൗദിയിലേക്ക് തിരിക്കും.
