തമിഴ്നാട് സ്വദേശിയായ യുവതിയുടെ പ്രായപൂർത്തി ആകാത്ത മകളെ പീഡിപ്പിച്ച യുവാവും താമസ സൗകര്യം ഒരുക്കിയ യുവാവിൻ്റെ പെൺ സുഹൃത്തും കുട്ടിയുടെ മാതാവും റിമാൻഡിൽ

കുട്ടിയെ കൊണ്ട് വന്നത് മാതാവിന് 1500 രൂപ നൽകിയ ശേഷം.യുവാവു മാതാവിനെ പരിചയപ്പെട്ടത് ട്രെയിനിൽ വച്ച്.കാട്ടാക്കട:തമിഴ്നാട് സ്വദേശിയായ യുവതിയുടെ പ്രായപൂർത്തി ആകാത്ത മകളെ 1500 രൂപ നൽകി എറണാകുളത്ത് വച്ചും തുടർന്ന് എറണാകുളത്ത് നിന്നും കാട്ടാക്കടയിൽ എത്തിച്ചു വിവിധ ഇടങ്ങളിൽ കൊണ്ടുന്പോയി പീഡിപ്പിച്ച യുവാവും പെൺ സുഹൃത്തും കുട്ടിയുടെ മാതാവും പിടിയിൽ. നെയ്യാർ ഡാം ഇടവാചൽ കുഞ്ചു നിവാസിൽ അഖിൽ ദേവ് 25,ഇയാളുടെ പെൺ സുഹൃത്ത് കാട്ടാക്കട മൂങ്ങോടു വിനീഷാ ഭവനിൽ വിനിഷ 24, കൂടാതെ കുട്ടിയുടെ മാതാവിനെയും ആണ് കാട്ടാക്കട പോലീസ് അറസ്റ്റ് ചെയ്തു കോടതിയിൽ ഹാജരാക്കി റിമാൻഡ് ചെയ്തത്. എറണാകുളത്ത് ഹോസ്റ്റലിൽ താമസിക്കുന്ന മാതാവിനെയും കുട്ടിയെയും ട്രെയിനിൽ വച്ചു പരിചയപ്പെട്ട പ്രതി ഖിൽ ദേവ് യുവതിയുടെ 13 വയസായ മകളെ ഇക്കഴിഞ്ഞ മൂന്നാം തീയതി എറണാകുളത്ത് വച്ചു പീഡിപ്പിക്കുകയും ഇവിടെ മുറി വാടക എന്ന് പറഞ്ഞു മാതാവിന് 1500 രൂപ നൽകിയ ശേഷം പ്രതി അഖിൽ കുട്ടിയുമായി കാട്ടാക്കടയിൽ എത്തി വിവിധ ഇടങ്ങളിൽ എത്തിച്ചു പീഡിപ്പിക്കുകയായിരുന്നു.ഇവിടെയെത്തി ആദ്യം കാട്ടാക്കടയിൽ റൂം എടുത്തും,തുടർന്ന് പ്രതിയുടെ ഇടാവച്ചലിലെ വീട്ടിൽ എത്തിച്ചു 2 ദിവസവും പീഡിപ്പിച്ചു. ശേഷം ഇവിടെ നിന്നും കാറിൽ നെയ്യാറ്റിൻകരയിൽ പ്രതി താത്കാലിക ജോലി നോക്കിയിരുന്ന കയർ ഫെഡിൻ്റെ സ്ഥാപനത്തിന് സമീപം കുട്ടിയും, ഒപ്പം പെൺ സുഹൃത്തും വരികയും അഖിൽ ഇവിടെ ഇറങ്ങിയ ശേഷം മറ്റു രണ്ടു പേരും വിജീഷയുടെ വീട്ടിൽ എത്തുകയും ചെയ്തു. കുട്ടിയുടെ മാതാവ് ഇവിടെ എത്തി കുട്ടിയെ കൂട്ടികൊണ്ട് പോകും എന്നാണ് അഖിൽ പറഞ്ഞിരുന്നത്.എന്നാല് ഇവിടെ വച്ച് പെൺ സുഹൃത്തിൻ്റെ മാതാവിന് ഇവരുടെ പെരുമാറ്റത്തിൽ പന്തികെട് തോന്നി പോലീസിൽ വിവരം അറിയിച്ചതോടെയാണ് പീഢന വിവരം പുറത്തറിയുന്നത്. പെൺകുട്ടിയെ മാതാവിനെ വിളിച്ച് ഏൽപ്പിചു വിടാൻ മാത്രം സാധ്യത ഉണ്ടായിരുന്ന സന്ദർഭത്തിൽ പോലീസിന് കുട്ടിയോട് സംസാരിച്ചപ്പോൾ കുട്ടി സുരക്ഷിതയല്ല എന്ന തോന്നലാണ് പിന്നീടുള്ള അന്വേഷണത്തിൽ പീഢന വിവരങ്ങൾ പോലീസ് കണ്ടെത്തിയത്.തുടർന്ന് പോലീസ് തന്ത്രപൂർവ്വം പ്രതികളെ കുടുക്കുകയായിരുന്നു.കാട്ടാക്കട കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. റൂറൽ എസ്പി ശില്പ,ഡിവൈഎസ്പി എൻ ഷിബു എൻ,കാട്ടാക്കട എസ് ഏച് ഒ ഷിബു കുമാർ,എസ് ഐ ശ്രീനാഥ് എന്നിവരുടെ നേതൃത്വത്തിൽ ആണ് പ്രതികളെ പിടികൂടിയത്