പാലായിൽ ഓണാഘോഷത്തിന് ഇടയിൽ കടന്നൽ കൂട്;ഇളകി നൂറോളം വിദ്യാർത്ഥികൾക്ക് കടന്നൽ കുത്തേറ്റു
പാലാ: പാലായിൽ ഓണാഘോഷത്തിന് ഇടയിൽ കടന്നൽ കൂട് ഇളകി നൂറോളം വിദ്യാർത്ഥികൾക്ക് കടന്നൽ കുത്തേറ്റു. പാലാ സെന്റ് ജോസഫ് ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജി കോളേജിലെ ഓണാഘോഷത്തിന് ഇടയിൽ ആണ് കടന്നൽ കൂട് ഇളകി വിദ്യാർത്ഥികളെ കുത്തിയത്. കോളേജ് കെട്ടിടത്തിന് മുകളിലെ നിലയിൽ നിന്നും താഴേയ്ക്ക് ബാനർ ഡിസ്പ്ലേ ചെയ്ത സമയത്ത് ബാനറിന്റെ ഇരുവശത്തും ഉള്ള കളർ സ്മോക്ക് പടക്കത്തിന്റെ പുകയേറ്റാണ് കടന്നൽ ഇളകിയത് ഇന്നലെയായിരുന്നു സംഭവം.കടന്നൽ കുത്തിൽ പാമ്പാടി പാറാമറ്റം സ്വദേശിയായ വിദ്യാർത്ഥിക്ക് പരുക്കേറ്റു. തുടർന്ന് പാമ്പാടി താലൂക്ക് ആശുപത്രിയിൽ എത്ത് പ്രതിരോധ കുത്തിവെയ്പ്പ് എടുത്തു.
