ക്രാഷ് ഗാർഡ് കൊണ്ട് ഭാര്യയെ തലയ്ക്കടിച്ചു ; വർക്ക് ഷോപ്പ് ജീവനക്കാരൻ അറസ്റ്റിൽ

നെടുമങ്ങാട് : ബുള്ളറ്റ് ബൈക്കിന്റെ ക്രാഷ് ഗാർഡ് ഉപയോഗിച്ച് ഭാര്യയെ തലയ്ക്കടിച്ചു പരിക്കേല്പിച്ച കേസിൽ വർക്ക് ഷോപ്പ് ജീവനക്കാരൻ അറസ്റ്റിൽ. അരശുപറമ്പ് തോട്ടുമുക്ക് വടകുംകര വീട്ടിൽ സുരേഷ് കുമാറാണ് (44) പിടിയിലായത്. കഴിഞ്ഞ 19ന് വെളുപ്പിന് 2.30ഓടെ മദ്യലഹരിയിൽ മക്കളുടെ മുന്നിൽ വച്ചാണ് ഭാര്യയെ ആക്രമിച്ചത്.തടയാൻ ശ്രമിച്ച മൂത്തമകനും പരിക്കേറ്റു. തലയിൽ ഗുരുതരമായി പരിക്കേറ്റ അമ്മയും മകനും ചികിത്സയിലാണ്. നെടുമങ്ങാട് സി.ഐ സന്തോഷ്‌കുമാറിന്റെ നേതൃത്വത്തിൽ പിടികൂടിയ പ്രതിയെ റിമാൻഡ് ചെയ്തു.