ഇൻസ്റ്റഗ്രാം റീലുകളിലൂടെ പ്രശസ്തയായ ആദിത്യ എസ് നായർ മരിച്ചു

തിരുവനന്തപുരം : ഇൻസ്റ്റഗ്രാം റീലുകളിലൂടെ പ്രശസ്തയായ ആദിത്യ എസ് നായർ (18) ആത്മഹത്യ ചെയ്തു .സോഷ്യൽ മീഡിയയിൽ ഒരു ലക്ഷം സുഹൃത്തുക്കൾ ഉള്ള പെൺകുട്ടിയാണ് ആദിത്യ . കുന്നപ്പുഴ സ്വദേശിയാണ് ആദിത്യ. സോഷ്യൽ മീഡിയയിലൂടെ പരിചയപ്പെട്ട യുവാവുമായി ആദിത്യ സൗഹൃദത്തിലായിരുന്നു. ഇരുവരും വേർപിരിഞ്ഞതോടെ പെൺകുട്ടിക്കെതിരെ സൈബർ ആക്രമണം രൂക്ഷമായി. സൈബർ ആ​ക്രമണത്തിൽ മനംനൊന്താണ് പെൺകുട്ടി ആത്മഹത്യ ചെയ്തതെന്നാണ് പെൺകുട്ടിയുടെ സുഹൃത്തുക്കൾ ഇൻസ്റ്റഗ്രാമിലൂടെ പ്രതികരിക്കുന്നത്. കഴിഞ്ഞ ആഴ്ചയിൽ ആത്മഹത്യ ശ്രമം നടത്തിയ പെൺകുട്ടി മെഡിക്കൽ കോളേജ് ആശുപത്രിയിൽ I. C. U വിൽ ആയിരുന്നു. ഇന്നലെ രാത്രിയോടെ മരിച്ചു. പോസ്റ്റ്മോർട്ടം കഴിഞ്ഞു മൃതദേഹം വീട്ടിൽ എത്തിച്ചു.