വയനാട്ടിൽ കാട്ടാന മതിൽ തകർത്തു
വയനാട് :പടമല യിൽ വീടിന്റെ മതിൽ തകർത്ത് എത്തിയ കാട്ടാന ഒരാളുടെ ജീവനെടുത്തു. മാനന്തവാടി പടമല സ്വദേശി അജീഷ് ആണ് കാട്ടാനയുടെ ആക്രമണത്തിൽ മരണപെട്ടത്.വനപാലകർ ഇതുവരെ എത്താത്തതിനാൽ അജീഷിന്റെ മൃതദേഹം സൂക്ഷിച്ചിരിക്കുന്ന ആശുപത്രിക്കുമുന്നിൽ പ്രതിഷേധിക്കുന്നു.കളക്ടറോ ബന്ധപ്പെട്ട ഉദ്യോഗസ്ഥരോ എത്താതെ അജീഷിന്റെ മൃതദേഹം മോർച്ചറിയിലേക്ക് മാറ്റില്ല എന്ന് പ്രതിഷേധക്കാർ പറയുന്നു.കര്‍ണാടകത്തില്‍ നിന്നെത്തിയ റേഡിയോ കോളര്‍ ഘടിപ്പിച്ച ആനയാണ് ഇയാളെ ആക്രമിച്ചത്. കാട്ടാന ഇപ്പോള്‍ കുറുവ കാടുകള്‍ അതിരിടുന്ന ജനവാസമേഖലയായി പടമലഭാഗത്താണ് നിലയുറപ്പിച്ചിരിക്കുന്നത്.
