കരിപ്പൂർ അന്താരാഷ്ട്ര വിമാനത്താവളത്തിൽ വീണ്ടും സ്വർണവേട്ട

മലപ്പുറം: കരിപ്പൂർ അന്താരാഷ്ട്ര വിമാനത്താവളത്തിൽ വീണ്ടും സ്വർണവേട്ട. ദുബായിൽ നിന്നെത്തിയ യാത്രക്കാരനിൽ നിന്നാണ് സ്വർണം പിടികൂടിയത്. ഇയാളിൽ നിന്നും 1.89 കോടി രൂപ വിലമതിക്കുന്ന 3 കിലോ സ്വർണമാണ് കസ്റ്റംസ് അധികൃതർ പിടികൂടിയത്. സ്വർണം ഷൂസിനുള്ളിൽ ഒളിപ്പിച്ച നിലയിലായിരുന്നു.ഷൂസിൽ നിന്ന് 1473 ഗ്രാം സ്വർണം പിടികൂടിയതിന് പിന്നാലെ കസ്റ്റംസ് ഉദ്യോഗസ്ഥർ പരിശോധന ശക്തമാക്കുകയായിരുന്നു. തുടർന്നാണ് എയർപോർട്ടിലെ ശുചിമുറിയിലെ ഫ്ലഷ് നോബിനുള്ളിൽ നിന്നും സ്വർണം കണ്ടെടുത്തത്. നാല് പാക്കറ്റുകളിലായി 1533 ഗ്രാം സ്വർണമാണ് ഫ്ലഷ് നോബിനുള്ളിൽ സൂക്ഷിച്ചത്.