മൂന്നാറിൽ വീണ്ടും പടയപ്പയെന്ന കാട്ടാന ഇറങ്ങി : രണ്ട് കടകൾ അടിച്ചു തകർത്തു

ഇടുക്കി : മൂന്നാറിൽ വീണ്ടും പടയപ്പയെന്ന കാട്ടാന ഇറങ്ങി. രണ്ട് കടകൾ അടിച്ചു തകർത്ത് പഴങ്ങൾ എടുത്ത് കഴിച്ചു. ഇന്ന് രാവലെ വിനോദ സഞ്ചാര കേന്ദ്രമായ ഇക്കോ പോയിന്റിലാണ് പടയപ്പ എത്തിയത്.ഏറെ നേരം പടയപ്പ സ്ഥലത്ത് തന്നെ ചുറ്റിത്തിരിഞ്ഞു. ആളുകൾ ബഹളം വച്ചതോടെയാണ് പടയപ്പ സ്ഥലത്തു നിന്നും മാറിയത്. കഴിഞ്ഞ ദിവസം മൂന്നാർ പെരിയവര പുതുക്കാട് എസ്റ്റേറ്റിലെത്തി കൃഷികൾ നശിപ്പിച്ചിരുന്നു. ഏതാനും ദിവസം മുമ്പ് പെരിയവര എസ്റ്റേറ്റിലെ റേഷൻകട തകർത്ത് മൂന്ന് ചാക്ക് അരി ഭക്ഷിക്കുകയും ചെയ്തിരുന്നു. ജനങ്ങൾ വലിയ ആശങ്കയിലാണുള്ളത്. പകൽ സമയത്ത് പോലും പടയപ്പ ജനവാസ മേഖലയിൽ ചുറ്റിക്കറങ്ങുകയാണ്.