വയനാട് മുപ്പൈനാട് കാടശ്ശേരിയിൽ കോഴിക്കൂട്ടിൽ പുലി കുടുങ്ങി

വയനാട് മുപ്പൈനാട് കാടശ്ശേരിയിൽ കോഴിക്കൂട്ടിൽ പുലി കുടുങ്ങി. ഇന്നലെ രാത്രി 11 മണിയോടെയാണ് സംഭവം. കോൽക്കളത്തിൽ ഹംസ എന്നയാളുടെ വീട്ടിലെ കോഴിക്കൂട്ടിലാണ് പുലി കയറിയത്. വീട്ടുകാർ വിവരം അറിയിച്ചതിനെ തുടർന്ന് സ്ഥലത്ത് എത്തിയ വനംവകുപ്പ് പ്രാഥമിക പരിശോധന നടത്തിയ ശേഷം പുലിയെ മറ്റൊരു കൂട്ടിലേക്ക് മാറ്റി. പ്രദേശത്ത് കുറച്ചുനാളുകളായി പുലിയുടെ ശല്യമുണ്ട്. പ്രദേശവാസികൾ ഭീതിയിലാണ് ഇവിടെ കഴിയുന്നത്.