അമ്പലപ്പുഴ സിപിഎമ്മിൽ തർക്കം രൂക്ഷമായി തുടരുന്നു
അമ്പലപ്പുഴ സിപിഎമ്മിൽ തർക്കം രൂക്ഷമായി തുടരുന്നു. വടക്ക് പഞ്ചായത്ത് പ്രസിഡന്റ് എസ് ഹാരിസ് പാർട്ടി വിട്ടു. മുൻ ഏരിയാ കമ്മിറ്റി അംഗം കൂടിയാണ് എസ് ഹാരിസ്. പാർട്ടി പ്രവർത്തനം അവസാനിപ്പിക്കുന്നതായി ഫേസ്ബുക്കിൽ ഇദ്ദേഹം കുറിപ്പിടുകയായിരുന്നു. നേരത്തെ ഹാരിസിനെ ഏരിയാ കമ്മിറ്റിയിൽ നിന്ന് ബ്രാഞ്ച് കമ്മിറ്റിയിലേക്ക് തരം താഴ്ത്തിയിരുന്നു. മറ്റൊരു പഞ്ചായത്ത് മെമ്പറും ഹാരിസും തമ്മിൽ പാർട്ടി ഓഫീസിൽ ഏറ്റുമുട്ടിയിരുന്നു. ഇതേ തുടർന്നായിരുന്നു നടപടിയെടുത്തത്. ഇത് ഏകപക്ഷീയമാണെന്നാണ് ഹാരിസിന്റെ ആരോപണം.
