ജവാന്‍’ ചിത്രത്തിനായി ആവേശത്തോടെ പ്രേക്ഷകര്‍
ജവാന്‍’ ചിത്രത്തിനായി ആവേശത്തോടെ പ്രേക്ഷകര്‍. സെപ്റ്റംബര്‍ 7ന് റിലീസ് ചെയ്യുന്ന ചിത്രത്തിന്റെ പ്രീ ബുക്കിംഗ് ആഗോളതലത്തില്‍ ആരംഭിച്ച് മിനിറ്റുകള്‍ക്കകം റെക്കോര്‍ഡ് തുകയ്ക്കാണ് ടിക്കറ്റ് വിറ്റ് തീര്‍ന്നത്. സിനിമയുടെ ഡിമാന്‍ഡ് കൂടിയതോടെ തിയേറ്ററുകള്‍ ടിക്കറ്റ് നിരക്ക് വര്‍ധിപ്പിച്ചു.ചില കേന്ദ്രങ്ങളില്‍ 1100 വരെയാണ് ടിക്കറ്റ് നിരക്ക് എന്നാണ് റിപ്പോര്‍ട്ടുണ്ട്. 15 മിനിറ്റിനുള്ളിലാണ് സിനിപോളിസിലെ പ്രീ ബുക്കിംഗ് പൂര്‍ത്തിയായത്. ഓസ്‌ട്രേലിയ, യുഎസ്എ, യുഎഇ, സൗദി അറേബ്യ, ജെര്‍മനി തുടങ്ങിയ രാജ്യങ്ങളിലും അഡ്വാന്‍സ് ബുക്കിംഗ് ആരംഭിച്ചു കഴിഞ്ഞു.എന്നാല്‍ ഇന്ത്യയില്‍ മുംബൈ പോലുള്ള വിരലില്‍ എണ്ണാവുന്ന സ്ഥലങ്ങളില്‍ മാത്രമാണ് പ്രീ ബുക്കിംഗ് ആരംഭിച്ചിട്ടുള്ളത്. അറ്റ്‌ലി സംവിധാനം ചെയ്യുന്ന ജവാനില്‍ ഷാരൂഖ് ഖാനൊപ്പം വിജയ് സേതുപതി, നയന്‍താര, ദീപിക പദുക്കോണ്‍, സന്യ മല്‍ഹോത്ര, പ്രിയാമണി തുടങ്ങി നിരവധി താരങ്ങളാണ് അണിനിരക്കുന്നത്.ചിത്രം ഹിന്ദി, തമിഴ്, തെലുങ്ക് ഭാഷകളിലും റിലീസ് ചെയ്യും. ഷാരൂഖിന്റെ ആദ്യ പാന്‍ ഇന്ത്യന്‍ ചിത്രം എന്ന പ്രത്യേകതയും ജവാന്‍ ചിത്രത്തിനുണ്ട്. അതേസമയം, റിലീസ് ചെയ്യുന്നതിന് മുമ്പേ ചിത്രം ഓണ്‍ലൈനില്‍ പ്രചരിച്ചതായി റിപ്പോര്‍ട്ടുകള്‍ എത്തിയിരുന്നു. ദൃശ്യങ്ങള്‍ പങ്കുവച്ച പേജുകള്‍ക്കെതിരെ പൊലീസ് കേസ് എടുത്തിരുന്നു.
