പാലക്കാട് അട്ടപ്പാടിയിൽ മരത്തിൽ ഡ്രോൺ ഉപേക്ഷിച്ച നിലയിൽ കണ്ടെത്തി

പാലക്കാട്: പാലക്കാട് അട്ടപ്പാടിയിൽ മരത്തിൽ ഡ്രോൺ ഉപേക്ഷിച്ച നിലയിൽ കണ്ടെത്തി. ഷോളയൂർ കടമ്പാറ ഊരിന് അടുത്താണ് മരത്തിൽ ഡ്രോൺ കണ്ടെത്തിയത്.ഡ്രോൺ നാട്ടുകാരാണ് ആദ്യം കണ്ടത്. ഉടൻ തന്നെ നാട്ടുകാർ ഡ്രോൺ കണ്ടെത്തിയ കാര്യം ഷോളയൂർ ഫോറസ്റ്റ് റേഞ്ച് ഓഫീസിൽ അറിയിച്ചു. ഫോറസ്റ്റ് ഓഫീസിൽ നിന്ന് അറിയിച്ച പ്രകാരം പൊലീസ് എത്തി ഡ്രോൺ ഏറ്റെടുത്തിട്ടുണ്ട്.സംഭവത്തെക്കുറിച്ച് അന്വേഷിക്കുമെന്ന് പൊലീസ് അറിയിച്ചു.