ബൈക്കിൽ എത്തി വീട്ടമ്മയുടെ സ്വർണ്ണമാല പൊട്ടിച്ചു കടന്ന പ്രതികളെ നെയ്യാറ്റിൻകര പോലീസ് പിടികൂടി

നെയ്യാറ്റിൻകര : ബൈക്കിൽ എത്തി വീട്ടമ്മയുടെ സ്വർണ്ണമാല പൊട്ടിച്ചു കടന്ന പ്രതികളെ നെയ്യാറ്റിൻകര പോലീസ് പിടികൂടി. പരശുവയ്ക്കൽ, കൊറ്റാമം ഷഹാന മൻസിലിൽ 22 വയസ്സുള്ള ഷാജഹാൻ റംഷാദ്, കൊട്ടാരക്കര, ചിതറ, വളവുവച്ചയിൽ സൂര്യക്കുളം – ഉണ്ണി മുക്ക് തടത്തരികത്ത് വീട്ടിൽ 21 വയസ്സുള്ള മുഹമ്മദ് ഷാൻ എന്നിവരെയാണ് പോലീസ് അറസ്റ്റ് ചെയ്‌തത്‌.ഞായറാഴ്ച രാവിലെ 10 30 ന് പള്ളിയിൽ നിന്നും വീട്ടിലേക്ക് പോകുകയായിരുന്ന പന്നിയോട് കുളവുപാറ കിഴക്കേക്കര വീട്ടിൽ ഗോമതി (61) യുടെ മാല ബൈക്കിൽ മുഖം മൂടി ധരിച്ചെത്തിയ സംഘം പൊട്ടിച്ച് കടന്നത്. തുടർന്ന് സമീപ സി സി ക്യാമറ ദൃശ്യങ്ങൾ പരിശോധിച്ചു ഇതുൾപ്പെടെ കാട്ടാക്കട പോലീസിൽ പരാതി നൽകി അന്വേക്ഷണം നടത്തിവരവെയാണ് പ്രതികൾ പിടിയിലാകുന്നത്.കേരള സംസ്ഥാനത്തൊട്ടകെയും അനുസംസ്ഥാനമായ തമിഴ്നാട്, നാഗർകോവിൽ, തക്കല മുതലായ സ്ഥലങ്ങളിൽ വാഹന മോഷണം, വാഹനത്തിൽ കറങ്ങിനടന്ന് പിടിച്ചുപറി, ദവനദേദനം കവർച്ച, കൂട്ടായ്മ കവർച്ച , അടിപിടി അക്രമം, കൊല്ലം ചവറയിൽ പോലീസ് ഉദ്യോഗസ്ഥനു നേരെ വധശ്രമം മുതലായ 60 ഓളം കേസ്സുകളിൽ പ്രതികളും പടികിട്ടാപുള്ളികളുമാണ് റംഷാദും, മുഹമ്മദ് ഷാനും.15-05-2023 തീയതി രാവിലെ മോഷണ മുതലായ മോട്ടോർസൈക്കിളിൽ സഞ്ചരിച്ച് കവർച്ചാ ശ്രമം നടത്തി രക്ഷപ്പെടാനുള്ള ശ്രമത്തിനിടയിൽ നെയ്യാറ്റിൻകര പോലീസ് ഇൻസ്പെക്ടർ സി. സി. പ്രതാപചന്ദ്രൻ, സബ്ബ് ഇൻസ്പെക്ടർമാരായ ഡി, സൈലസ്, ജോയി ജെ. വിജുകുമാർ, ജയരാജ്, അസി. സബ്ബ് ഇൻസ്പെക്ടർ സുരേഷ് കുമാർ, CPO മാരായ വിനോദ്. അജീഷ്, അരുൺ, ലെനിൻ, ഷിജിൻദാസ്. ശ്രീകാന്ത്, രതീഷ് , പ്രവീൺ, അനന്തകൃഷ്ണൻ അഭിലാഷ്, ബി. രാജേഷ്, അഖിൽ, ബിനോയി ജസ്റ്റിൻ, വിഷ്ണു എന്നിവരടങ്ങുന്ന സംഘം നെയ്യാറ്റിൻകര ടൗണിൽ പല സ്ഥലങ്ങളിലായി പട്രോളിംഗ് നടത്തി കൂട്ടായ ശ്രമകരമായ പ്രവർത്തനത്തിലൂടെ സാഹസികമായി അറസ്റ്റ് ചെയ്തത്.