പുതിയ ഔദ്യോഗിക ലോഗോ പുറത്തിറക്കി കുവൈത്ത്
കുവൈത്തിന്റെ പരിഷ്‌കരിച്ച പുതിയ ഔദ്യോഗിക ലോഗോ കുവൈത്ത് വാര്‍ത്താവിനിമയമന്ത്രാലയം പുറത്തിറക്കി. കുവൈത്ത് മന്ത്രിസഭാ യോഗത്തിന്റെ തീരുമാനത്തിന്റെ അടിസ്ഥാന ത്തിലാണ് രാജ്യത്തിന്റെ ഔദ്യോഗിക ലോഗോ പരിഷ്‌കരിച്ചത്. കുവൈത്തിന്റെ ദേശീയ നിറമായ നീല കളറിൽ ആണ് പുതിയ ലോഗോ രൂപകല്പന നിര്‍വഹിച്ചിരിക്കുന്നത്.
പുതിയ ലോഗോയോടപ്പം അതുപയോഗിക്കാനുള്ള മാര്‍ഗരേഖയും മന്ത്രാലയം പുറത്തിറക്കി. കുവൈത്തിന്റെ സ്വത്വവും ചരിത്രവും പ്രതീകപ്പെടുത്തുന്നതാണ് പുതിയ ലോഗോ. ഇതോടൊപ്പം പുറത്തിറക്കിയ മാർഗരേഖയില്‍ കുവൈത്തിന്റെ സാംസ്‌കാരിക പ്രാധാന്യവും വ്യക്തമാക്കുന്നതായി മന്ത്രാലയം അറിയിച്ചു.
സ്വദേശി ഗ്രാഫിക് ഡിസൈനര്‍ മുഹമ്മദ് ഷറഫ് ആണ് കുവൈത്തിന്റെ പുതിയ ലോഗോ രൂപകല്പന നിര്‍വഹിച്ചത്. സര്‍ക്കാറിന്റെ മുഴുവന്‍ ഔദ്യോഗിക ഇടപാടുകളിലും വെബ്‌സൈറ്റ് കളിലും ഇനി മുതല്‍ പുതിയ ലോഗോ ഉപയോഗിക്കും.
