വീട്ടില്‍ സൂക്ഷിച്ച ചാരായവും വാഷുമായി മലപ്പുറത്ത് വീട്ടമ്മ അറസ്റ്റില്‍
മലപ്പുറം: വീട്ടില്‍ സൂക്ഷിച്ച ചാരായവും വാഷുമായി മലപ്പുറത്ത് വീട്ടമ്മ അറസ്റ്റില്‍. നിലമ്പൂരില്‍ പുതുവത്സര സ്‌പെഷല്‍ ഡ്രൈവിന്റെ ഭാഗമായി എക്‌സൈസ് പുലര്‍ച്ചെ നടത്തിയ പരിശോധനയിലാണ് വീട്ടില്‍ സൂക്ഷിച്ച ആറ് ലിറ്റര്‍ ചാരായവും 18 ലിറ്റര്‍ വാഷുമായി വീട്ടമ്മ അറസ്റ്റിലായത്. കുറുമ്പലങ്ങോട് കുണ്ടിലട്ടിയിലെ സ്രാമ്പിക്കല്‍ വീട്ടില്‍ പുഷ്പവല്ലിയാണ് (59) പിടിയിലായത്.നിലമ്പൂര്‍ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എ.ആര്‍. രതീഷാണ് പുഷ്പവല്ലിയെ അറസ്റ്റ് ചെയ്തത്. പ്രതി ഒറ്റക്കാണ് താമസിക്കുന്നത്. വാറ്റുചാരായം ഉണ്ടാക്കി വില്‍പന നടത്തുന്നെന്ന വിവരത്തിന്റെ അടിസ്ഥാനത്തിലാണ് എക്‌സൈസ് സംഘം പുലര്‍ച്ചെ പരിശോധന നടത്തുകയായിരുന്നു. നിലമ്പൂര്‍ കോടതിയില്‍ ഹാജരാക്കിയ പുഷ്പവല്ലിയെ റിമാന്‍ഡ് ചെയ്തു. മുന്‍ അബ്കാരി കേസില്‍ പ്രതിയായിട്ടുള്ളയാളാണ് ഇവര്‍.
