കാർ നിയന്ത്രണം വിട്ടു : ശബരിമല തീർഥാടകർ അപകടത്തിലായി
പത്തനംതിട്ട : ശബരിമല തീർത്ഥാടകർ കാർ നിയന്ത്രണം വിട്ടു അപകടത്തിലായി. അഞ്ചു പേർക്ക് പരിക്കേറ്റു. കിളിമാനൂർ പാപ്പാല ഗവൺമെന്റ് എൽ.പി സ്കൂളിന് സമീപം ഇന്ന് പുലർച്ചെയാണ് അപകടമുണ്ടായത്.ശബരിമല ദർശനം കഴിഞ്ഞ് തിരിച്ചു വരികയായിരുന്ന തീർത്ഥാടകർ സഞ്ചരിച്ച കാർ നിയന്ത്രണം വിട്ട് റോഡിന്റെ സുരക്ഷാവേലിയിൽ ഇടിക്കുകയായിരുന്നു. പരിക്കേറ്റവരെ ആശുപത്രിയിൽ പ്രവേശിപ്പിച്ചു. ആരുടേയും പരുക്ക് ഗുരുതരമല്ലെന്നാണ് വിവരം. ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്നാണ് പൊലീസ് നിഗമനം.
