വീട്ടുകാർ ബന്ധുവീട്ടിൽ പോയ സമയത്ത് വീട് കുത്തിത്തുറന്ന് കവർച്ച

ഉളിയത്തടുക്ക: വീട്ടുകാർ ബന്ധുവീട്ടിൽ പോയ സമയത്ത് വീട് കുത്തിത്തുറന്ന് കവർച്ച. 1.5 പവന്റെ സ്വർണാഭരണം നഷ്ടമായി. മഞ്ചത്തടുക്കയിലെ മൊയ്തീൻ കുഞ്ഞിയുടെ വീട്ടിലാണ് മോഷണം നടന്നത്. വ്യാഴാഴ്ച വൈകുന്നേരം വീട് പൂട്ടി വീട്ടുകാർ ബന്ധുവീട്ടിൽ പോയതായിരുന്നു. വെള്ളിയ്ച ഉച്ചയ്ക്ക് 2.30 മണിയോടെ തിരികെ എത്തിയപ്പോഴാണ് അടുക്കളെ വാതിൽ തകർത്ത നിലയിൽ കണ്ടെത്തിയത്. തുടർന്ന് വീടിനകത്ത് പരിശോധിച്ചപ്പോഴാണ് സ്വർണാഭരണം നഷ്ടമായതായി വ്യക്തമായത്. മുൻഭാഗത്തെ വാതിലും തകർക്കാൻ ശ്രമിച്ചതായും എന്നാൽ തുറക്കാൻ പറ്റാത്തതിനാൽ അടുക്കള ഭാഗത്തെ വാതിൽ തകർക്കുകയായിരുന്നുവെന്നാണ് മനസിലാകുന്നതെന്ന് വീട്ടുകാർ പറഞ്ഞു. സംഭവത്തിൽ വീട്ടുകാർ പറഞ്ഞു. സംഭവത്തിൽ വീട്ടുകാരുടെ മൊഴി രേഖപ്പെടുത്തിയ പൊലീസ്, കേസ് രജിസ്റ്റർ ചെയ്തത് അന്വേഷണം നടത്തിവരികയാണ്.